Die Voorblad

A+ A A-

President speel met woorde oor wit boere wat in Suid-Afrika vermoor word

President Cyril Ramaphosa het met woorde gespeel in ʼn uiters onbevredigende poging om te verduidelik waarom hy in antwoord op ʼn twiet van die Amerikaanse president, Donald Trump, gesê het wit boere word nie in Suid-Afrika vermoor nie.

 

Dr. Pieter Groenewald, leier van die VF Plus, het vandag in vraetyd in die parlement aan pres. Ramaphosa gevra om te erken dat wit boere wel vermoor word. Die vraag lui: 

 

“Ongeag hoe u (president Ramaphosa) gereageer het op die twiet van president Trump, is die werklikheid dat wit boere in Suid-Afrika wel wreedaardig vermoor word. Dit is onwaar om te sê wit boere word nie vermoor nie.

 

“Is die president bereid om die families en geliefdes van die wit boere wat in Suid-Afrika vermoor is vandag om verskoning te vra omdat hy die moorde ontken het en om sodoende erkenning te gee aan die mense se leed?

 

“Die president het self in sy antwoord op pres. Trump se twiet na wit boere verwys en hy het hulle daarom die onderwerp van hierdie vraag gemaak”.

 

Pres. Ramaphosa het geantwoord deur onder meer te sê “baie mense het nie mooi verstaan wat ek gesê het nie”.

 

Hy het ook gesê:

 

“Ek het gereageer op sy (pres. Trump) twiet waarin hy gesê het wit boere en wit mense word vermoor. Ek het gesê nee... dis nie waar nie.

 

“Wit boere word vermoor, insluitend swart mense op plase. Dit is die realiteit. Die moorde kwel my, en dit behoort ons almal te kwel. Ek sal dit nooit kategoriseer as net wit (moorde) nie.  Ek moet totaal nie-rassig wees as ek hieroor reageer.”

 

Pres. Ramaphosa het voortgegaan deur te sê hy het al ná plaasmoorde die families van slagoffers, wit en swart, gebel om te simpatiseer en dat hy as president moet optree as ʼn nasiebouer.

 

Dr. Groenewald sê daar is geen manier hoe die president nou sy kategoriese ontkenning dat wit boere vermoor word, ongedaan kan maak nie.

 

Voor Trump en die wêreld ontken hy dit. Hier erken hy dit deur te sê hy het selfs van die slagoffers se naasbestaandes gebel. Hierdie optrede van die president is teleurstellend en is allermins bevorderlik vir nasiebou soos hy wil voorgee.

 

Laas Opdateer op %AM, %07 %433 %2018 %11:%Nov

Trefslae: 63

Emfuleni voldoen al vir vyf jaar nie aan NERSA-regulasies nie

Die jarelange swak bestuur van die Emfuleni-munisipaliteit het nie net ‘n totale ineenstorting van infrastruktuur veroorsaak nie, maar vir die laaste vyf jaar het hy nie aan die voorgeskrewe NERSA-lisensie regulasies voldoen nie.

 

NERSA se voorwaardes bepaal onder meer die munisipaliteit moet 6% van sy totale jaarlikse elektrisiteitsverkope aan elektriese instandhouding bestee.

 

In Junie vanjaar het die Gautengse regering Emfuleni-munisipaliteit weens gebrekkige instandhouding  ingevolge Artikel 139(b) van die Grondwet onder semi-administrasie  geplaas.

 

Die munisipaliteit het ‘n kritiese tekort aan gekwalifiseerde tegniese personeel en in ‘n sprekende voorbeeld van Regstellende Aksie (RA) is ongekwalifiseerde en onbevoegde ambagslui in hul plek aangestel.

 

Die standaard opgraderingsplan ten opsigte van verouderde elektriese instandhouding van netwerke is ook nie nagekom nie. Vandalisme en verouderde sub-stasies lei tot gereelde kragonderbrekings en inwoners kom gereeld daarteen in opstand.

 

Die munisipaliteit se toepassing van die Geïntegreerde Ontwikkelings Plan (GOP) is ook nie in lyn met sy huidige begroting waarvoor daar reeds nie voldoende fondse is nie.

 

Swak finansiële beplanning kan die munisipaliteit se skuldlas vergroot en beurtkrag is onafwendbaar. Buiten dat daar nie geld  vir herstelwerk aan vervalle substasies is nie, kan die sukkelende elektriese netwerk beswaarlik die hoofstroom-elektrisiteit hanteer.

Laas Opdateer op %PM, %26 %479 %2018 %12:%Sep

Trefslae: 78

Lees verder...

VF Plus gee 'n reuse sprong na 'n opwindende toekoms in die Wes-kaap

Die VF Plus in die Wes-Kaap het ʼn nuwe mede-onderleier vir dié provinsie aangewys. Hy is mnr. Johannes Hartnick, die VF Plus se huidige uitvoerende-onderburgemeester vir Hessequa. Saam met mnr Hartnick is Me. Erika Botha-Rossouw as die ander onderleier verklies. Dr. Corné Mulder, hoofsweep van die VF Plus, is dié party se leier in die Wes-Kaap.

Laas Opdateer op %AM, %20 %243 %2018 %06:%Sep

Trefslae: 118

Lees verder...

Brandende staatsgebou in Johannesburg die maaksel van swak Gauteng-regering

Die VF Plus lê die oorsaak en gevolge van die brandende staatsgebou in die middestad van Johannesburg voor die deur van die ANC-regering in Gauteng.

 

Die onvermoë van die departement van infrastruktuur en ontwikkeling in Gauteng om staatsgeboue behoorlik te  bestuur en in stand te hou, is ‘n gegewe en het waarskynlik ‘n groot rol gespeel daarin dat die Bank van Lissabon-gebou wat aan die staat behoort, nie voldoen aan die minimum bou- en brandvereistes nie.

 

Mnr. Jaco Mulder, VF Plus-leier vir Gauteng, wat self op die portefeulfekomite vir infrastruktuur en ontwikkeling in Gauteng gedien het (2009 en 2014), sê die departement het sedert sy ontstaan in 2009 nog nooit effektief gefunksioneer nie omdat noodsaaklike bestuursposte nie gevul is nie, en doelwitte nie behaal is nie.

 

Die departement word ook sedert 2009 gekenmerk deur ‘n voortdurende wisseling van politieke hoofde wat op onstabiliteit in die ANC-regering in Gauteng wys. Die VF Plus eis ‘n behoorlike ondersoek na die funksionering van die departement.

Laas Opdateer op %PM, %06 %516 %2018 %13:%Sep

Trefslae: 102

Lees verder...

VF Plus verbind tot veelparty-regering in Tshwane (Pretoria)

Die VF Plus in die Tshwane-metroraad ondersteun die burgemeester, Solly Msimanga, se besluit om bewerings van ongerymdhede in die Glad Africa-kontrak waarby die stadsbestuurder, dr. Moeketsi Mosola, betrokke is te laat ondersoek. Die VF Plus sal daarom ook teen die mosie van wantroue stem wat die ANC en EFF in die burgemeester by Donderdag se raadsvergadering stel.

 

Die VF Plus versoek Msimanga om nooit terug te deins nie, maar voort te gaan om alle bewerings van korrupsie in die Tshwane-metro te ondersoek.

 

Dit is tot die metroraad se voordeel en in belang van die inwoners dat die ANC nie weer aan bewind van die metro kom nie. Die veelparty-regering, waarvan die VF Plus deel is, is verbind tot gehalte dienslewering en die uitroei van korrupsie, wanbesteding en onbevoegdheid.

Laas Opdateer op %PM, %30 %512 %2018 %13:%Aug

Trefslae: 100

Lees verder...

Kontak Ons

  • Die Voorblad - Hierdie e-posadres word van Spambotte beskerm. Jy moet JavaScript ontsper om dit te lees.
  • Die Voorblad - Hierdie e-posadres word van Spambotte beskerm. Jy moet JavaScript ontsper om dit te lees.

Die Voorblad © Kopiereg 2011 - 2014 | Alle regte voorbehou.