Die Voorblad

A+ A A-

Mogale City-koalisie terugslag

Die DA-, VF Plus-, IVP-koalisie in die Mogale City stadsraad te Krugersdorp, wat sedert Augustus 2016 gesteun word deur die EFF, is vandag tot ‘n val gebring nadat die ANC speaker, Patrick Lipudi, op omstrede wyse buite die raad se orde reëls, ‘n mosie van wantroue in die uitvoerende burgemeester Michael Hollenstein per geslote stembrief tot stemming gebring het.

 

 

Lipudi het die afgelope maande herhaaldelik die stadsraad se werksprogram belemmer deur op outoritȇre wyse eensydige besluite op die raad af te forseer. Die LUR vir plaaslike regering in Gauteng, Paul Mashatile, het ten spyte van gesprekke en klagtes oor tyd versuim om teen die speaker op te tree.

 

VF Plus raadslede Tjaart Steenkamp en Amanda de Lange het beide hul onderneming aan die kiesers van Krugersdorp gegee om als in die stryd te werp om die status quo te herstel.

 

Die VF Plus gaan as deel van die koalisie op ‘n dringende basis aksie neem teen die onregmatige optrede van die ANC speaker om die mandaat, wat demokraties deur die kieserspubliek verleen is, so spoedig moontlik te herstel, het Mulder wat self teenwoordig was gesȇ.

 

Die koalisielid wat vandag die ANC speaker se onreëlmatighede gesteun het, moet aan die kaak gestel word omdat die gebeure die toekoms van enige koalisie in Suid-Afrika in gedrang kan bring.

Kontak Ons

  • Die Voorblad - Hierdie e-posadres word van Spambotte beskerm. Jy moet JavaScript ontsper om dit te lees.
  • Die Voorblad - Hierdie e-posadres word van Spambotte beskerm. Jy moet JavaScript ontsper om dit te lees.

Die Voorblad © Kopiereg 2011 - 2014 | Alle regte voorbehou.